Back to Suffah

بسم اللہ الرحمن الرحیم

اصحاب کا طرز عمل تھا کہ وہ نبی پاک صلی علیہ وآلہ وسلم سے دس آیات سیکھتے اس پر عمل کرتے اور پھر اگلی دس۔ یعنی کہ جو چیز زیادہ اہمیت کی حامل تھی وہ ہے عمل۔ اور ہم لوگ کس طرح تیزی سے قرآنی آیات پڑھتے ہیں اور ٹھہر کر ایک دفعہ سوچتے بھی نہیں۔

اس آیت میں اللہ تعالیٰ ہمیں نماز قائم کرنے کا حکم دے رہا ہے۔ اور نماز پڑھنے میں بیرونی اور اندرونی دونوں حالتیں بہت اچھی ہونی چاہیے ۔ یعنی کہ نیت، اخلاص، توحید، اچھے سے وضو کرنا، ٹھہر کر اور معنی پر غور کرتے ہوئے نماز ادا کرنا وغیرہ۔

اس آیت میں ہمارے لیے صرف یہ سبق نہیں کہ صرف ہم نماز ادا کریں بلکہ اپنے اردگرد لوگوں کو بھی احسن انداز میں بار بار نماز پڑھنے کی تلقین دینی چاہیے۔

وارکعوا مع الرکعین: اس میں ہمارے لیے ایک سبق یہ بھی ہے کہ ہمیں جس حد تک ممکن ہوسکے نیک لوگوں کی صحبت اختیار کرنی چاہیے۔ ایسی مجالس میں بیٹھنا چاہیے جس میں اللہ کا ذکر کیا جاتا ہو نہ کہ ایسی جہاں ہر وقت چغلیاں، طعنے اور دوسروں کے عیب نکالے جاتے رہیں۔

اللہ تعالیٰ ہمیں قرآن پاک پر ٹھہر کر غور کرنے کی توفیق دے اور اس کے احکامات صرف ہمارے ذہن نہیں بلکہ عمل میں بھی ہوں۔

Al-Baqarah (2:43)
And establish prayer and give zakāh and bow with those who bow [in worship and obedience]. (43)
Comments · Re-Reflects
H
Haris Ali
25 Day ago

ہم لوگ بڑے وعظ اور باتیں کرتے رہتے ہیں لیکن جس بات یا علم کا اظہار ہم لوگوں سے کرتے ہیں، اس بات پر غور کم کرتے ہیں کہ "جو بات ہم لوگوں سے کرتے ہیں، کیا ہم اس پر خود عمل کرتے ہیں؟"۔

بات کہا دینا آسان ہوتا ہے اور عمل کرنا مشکل۔ اس لیے جب بھی کوئی بات لکھیں، یا کسی کو نصیحت کریں تو پہلا اسے اپنے اوپر apply کریں پھر کسی اور کو بتائیں۔
ورنہ ہوسکتا ہے کہ نیت اور اخلاص کی کمی کی وجہ سے کسی اور کو تو وہ بات فایدہ دے دے لیکن آپ کو نہیں۔
اب نیچے والی آیات کی اچھی طرح پڑھیں۔

#SelfReflection

Al-Baqarah (2:44)
Do you order righteousness of the people and forget yourselves while you recite the Scripture? Then will you not reason? (44)
As-Saff (61:2-3)
O you who have believed, why do you say what you do not do? (2) Greatly hateful in the sight of Allāh is that you say what you do not do. (3)
Comments · Re-Reflects

آج سے ہم 18 روزہ سیریز کا آغاز کرنے جا رہے ہیں، جس میں ہم قرآن پر تدبر کرنا سیکھیں گے۔

دن 1: دلوں پر پڑے تالے کھولنا

اس سفر کا آغاز اس یقین کے ساتھ ہونا چاہیے کہ قرآن مجید میں ہمارے لیے زندگی کے ہر مرحلے میں ابدی رہنمائی موجود ہے۔ ضرورت اس بات کی ہے کہ ہم اپنے دلوں پر پڑے ان تالوں کو کھولنے کی کوشش کریں جو اس کتاب کے ساتھ ہمارے تعلق کو مضبوط ہونے سے روکتے ہیں۔

تدبر کیوں ضروری ہے؟

سب سے پہلی وجہ یہ ہے کہ تدبر کوئی اضافی عمل نہیں، بلکہ قرآن کے نزول کا مقصد ہے۔ اللہ تعالیٰ فرماتا ہے:

كِتَـٰبٌ أَنزَلْنَـٰهُ إِلَيْكَ مُبَـٰرَكٌ لِّيَدَّبَّرُوٓا۟ ءَايَـٰتِهِۦ وَلِيَتَذَكَّرَ أُو۟لُوا۟ ٱلْأَلْبَـٰبِ ٢٩
یہ ایک بڑی برکت والی کتاب ہے جو (اے محمدؐ)ہم نے تمہاری طرف نازل کی ہے تاکہ یہ لوگ اس کی آیات پر غور کریں اور عقل و فکر رکھنے والے اس سے سبق لیں۔ (القرآن 38:29)

یعنی قرآن صرف الفاظ پڑھ کر گزر جانے کے لیے نہیں اتارا گیا، بلکہ اس لیے اتارا گیا ہے کہ ہم اس کی آیات پر ٹھہر کر غور کریں اور اس سے نصیحت حاصل کریں۔ ہدایت اسی غور و فکر کے راستے سے دل میں اترتی ہے۔ اگر ہم تدبر کے بغیر پڑھتے رہیں تو ہم اس مقصد سے محروم رہ جاتے ہیں جس کے لیے یہ کتاب آئی ہے۔

دوسری وجہ یہ ہے کہ اللہ نے خود تدبر نہ کرنے پر سوال اٹھایا ہے۔ اور اس سوال میں ہمارے لیے ایک اہم بات چھپی ہے: اللہ نے کہیں نہیں فرمایا کہ قرآن مقفل ہے، بلکہ تالوں کا ذکر دلوں کے بارے میں کیا ہے، جیسا کہ سورۃ محمد میں ارشاد ہے:

أَفَلَا يَتَدَبَّرُونَ ٱلْقُرْءَانَ أَمْ عَلَىٰ قُلُوبٍ أَقْفَالُهَآ ٢٤
کیا ان لوگوں نے قرآن پر غور نہیں کیا، یا دلوں پر ان کے قفل چڑھے ہوئے ہیں؟" (القرآن 47:24)

اسے مزید وضاحت سے سمجھنے کیلئے اس تدبر کا ملاحظہ کریں: https://quranreflect.com/posts/31427

اگر میں قرآن مجید کے ساتھ وقت نہیں گزار رہا، اس کے معنی پر غور نہیں کر رہا اور پوری توجہ کے ساتھ ہدایت حاصل کرنے کی کوشش نہیں کر رہا، تو شاید میں قرآن کی اصل کو چھوڑ رہا ہوں، اگرچہ میں اس پر ایمان رکھتا ہوں۔

مجھے امید ہے کہ اب آپ پر یہ بات واضح ہو گئی ہو گی کہ قرآن پر تدبر کیوں ضروری ہے۔ اگلی بار ہم اس پر غور کریں گے کہ تدبر کیا ہے اور اسے کیسے کیا جائے۔

میں تدبر کے چند اہم طریقے آپ کے ساتھ شیئر کروں گا جنہیں ہم میں سے ہر شخص اپنی استطاعت کے مطابق اپنا سکتا ہے۔ ان طریقوں کو پانچ زاویے (5 Lenses) کہا جاتا ہے۔ میں مثالوں کے ذریعے یہ بھی بتاؤں گا کہ تدبر کرتے ہوئے ان زاویوں کو کیسے استعمال کیا جا سکتا ہے۔

میں چاہتا ہوں کہ آپ بھی اس سفر میں میرے ساتھ شامل ہوں۔ اپنے تدبرات شیئر کرنے سے نہ گھبرائیں! اگر آپ تدبر شیئر کرنے میں جھجک محسوس کرتے ہیں تو آپ اس تدبر سے راہنمائی حاصل کرسکتے ہیں: https://quranreflect.com/posts/31628

Muhammad (47:24)
Then do they not reflect upon the Qur’ān, or are there locks upon [their] hearts? (24)
Comments · Re-Reflects

قال السعدي في تفسيره: "لا بد أن ينالهم نصيبهم من الدنيا، مما كتب لهم، وإن كثر ذلك النصيب، أو راق في عينك, فإنه لا يدل على صلاح حالهم، فإن الله يعطي الدنيا من يحب، ومن لا يحب، ولا يعطي الإيمان والدين الصحيح، إلا من يحب."
اللهم ارزقنا حبك وحب من تحب وحب كل عمل يقربنا إلى حبك.

Hud (11:109)
So do not be in doubt, [O Muḥammad], as to what these [polytheists] are worshipping. They worship not except as their fathers worshipped before. And indeed, We will give them their share undiminished. (109)
Comments · Re-Reflects
umama noor
1 Month ago

اللّٰہ تعالیٰ قرآن میں کئی مقامات پر فرماتے ہیں میری تسبیح بیان کرو ۔ فسبح کا روٹ ولڈ ہے س ب ح اس مادہ پر یعنی اس روٹ ولڈ پر قرآن میں ۹۲ الفاظ ہیں لاسٹ ریفلیکشن میں، فسبح کا مطلب میں نے عربی لغت سے بتایا تھا ۔ اس کے اصل معنی پانی یا ہوا میں تیزی سے گزر جانے کے ہیں اور یہ لفظ فلک میں نجوم کی گردش اور تیز رفتاری کے لیے استعمال ہوتا ہے ۔ جب اللّٰہ تعالی ہمیں ، حکم دیتے ہیں فسبح ، تسبیح بیان کرو تو ہم نے بھی اللّٰہ کے احکامات پر عمل کرنا ہے اپنی زندگیاں اس کے ذکر کے گرد گردش کرتے لگانی ہیں جیسے آسمان پر ستارے اس کے حکم سے گردش کرتے ہیں ۔وہ سست نہیں پڑتے وہ یہ نہیں کہتے یا اللّٰہ ہم نے کل آپ کے حکم سے گردش کی تھی آج تھک گۓ ہیں حدیث میں آتا ہے کہ سورج اللّٰہ سے اجازت لیتا ہے صحیح بخاری ۳۱۹۹ اگر یہ سولر سسٹم اللّٰہ کے حکم کی پیروی نہ کرے تو کائنات تباہ ہو جاۓ اگر ہم بھی اللّٰہ کی تسبیح نہیں کریں گے ہم بھی برباد ہو جائیں گے ہمارے سارے کام بکھر جائیں گے جس طرح اللّٰہ کی یہ تخلیق اللّٰہ کے حکم پر چلتی اور رکتی ہے ہم نے بھی ایسے ہی تسبیح بیان کرنی ہے صرف زبان سے تسبیح نہیں کرنی بلکہ ہمارا ہر باڈی پارٹ اس کے احکام کے تابع ہو ہم عبادالرحمن کی مانند ہوں ۔۔۔۔ To be continued.......

Al-Waqi'ah (56:74)
So exalt the name of your Lord, the Most Great. (74)
Comments · Re-Reflects

میں نے آج اللہ سے ڈرتے ہوئے معافی مانگی میں نے بہت گناہ کیے ہیں میں پریشان ہوتی ہوں ، ڈرلگتا ہے کہ پتا نہیں میں اللہ تعالیٰ مجھے معاف کرے گا بھی نہیں آج قرآن مجید پڑھتے ہوئے میں نے دعا کی کہ اللہ تعالیٰ مجھے بھی ایک اچھا مسلمان اور انسان بنائے میری زباں اور عمل سے لوگوں کو دکھ نہ پہنچے میرا رب اور لوگ مجھے سے راضی ہوں میں حقوق العباد اور حقوق اللہ دونوں میں سرخرو ہوں تو میں نے اللہ تعالیٰ سے دعا کی کہ میرے مسائل کا حل مجھے قرآن مجید کے ذریعے نکالنے کی توفیق عطا فرمائے تو اللہ تعالیٰ نے مجھے اس آیت کے ذریعے تسلی دی مجھے بتایا کہ میں امید نا چھوڑو، غلط بات یا کام جو چھوڑ دیے ہیں وہ دوبارہ نہ کروں اللہ تعالیٰ سے ڈرتی رہوں تو اللہ تعالٰی مجھے اکیلا نہیں چھوڑیں گے ۔میں اپنے رب کا جتنا شکر ادا کروں کم ہے ۔اللہ تعالیٰ مجھے ہمیشہ صراطِ مستقیم پر چلنے کی توفیق عطا فرمائے آمین

Al-A'raf (7:56)
And cause not corruption upon the earth after its reformation. And invoke Him in fear and aspiration. Indeed, the mercy of Allāh is near to the doers of good. (56)
Comments · Re-Reflects