Back to Suffah

Reflection

M
Maghool
18 Day ago

والله أعلى وأعلم.

الله سبحانه وتعالى هنا بيقول، فيما معناه من التفسير، إن سبأ دول قرية كانت عايشة، وكان عندها جنتان على اليمين وعلى الشمال، وكانوا بياكلوا ويشربوا منها، وكانوا كمان بيُسَّر لهم الأنهار ما بينهم وبين البلد التانية عشان ما يتوهوش ويعرفوا يمشوا فيها. ولكن كل اللي ربنا سبحانه وتعالى أمرهم بيه هو إنهم يشكروا نعمته، ولكنهم أعرضوا وما شكروهوش.

ولكن في نفس الوقت برضه ما حسوش بالنعمة اللي هما كانوا فيها، فكانوا بيدعوا إن ربنا يزيلها عنهم، زي ما قالوا: «رَبَّنَا بَاعِدْ بَيْنَ أَسْفَارِنَا». ففي الآية السابقة اللي أنا لسه قايلها، دعوا على النعمة اللي هم كانوا فيها.

إحنا ممكن نسقط ده علينا إحنا. إن أولًا إحنا مش بنشكر ربنا. ولو فيه نعمة فيها شيء من الجزع، هديك مثال بالمثال يعني: فيه الوجود والدين نعمة، يعني إن يكون عندك أب وأم نعمة، ولكن في بعض الأحيان يمكن أن يكون والدك أو والدتك فيهم بعض من الشدة أو شيء خطأ في شخصيتهم، فيعني ده يسبب لك جزعًا شخصيًا في نفسك. فدي نعمة، ولكن في نفس الوقت فيها شيء بيضايقك أو بيجزعك.

فالإنسان مش بيصبر عليها، مش بيشكر ولا بيصبر، مش بيشكر على النعمة نفسها ومش بيصبر لو فيه حاجة في النعمة دي. فالأمر اللي نخرج به هنا، والله أعلى وأعلم، إن أولًا نشوف كل النعم اللي كانوا فيها دي راحت لمجرد إنهم ما شكروش، فإحنا لازم نشكر على النعم بتاعتنا. الشكر لله والحمد له على كل شيء.

ثانيًا، إن فيه نعمة فيها شيء من الجزع، ما ندعيش عليها. زي واحد مثلًا يقول: يا رب الواحد يبقى لوحده. ممكن يكون عنده عائلة جميلة بتتجمع ويتحدثون، وفيه صلة رحم، فهو يدعو الله وهو مش واخد باله إن دي نعمة، فربنا يزيلها منه. أو يدعو على والديه أو أمه أو أبوه، يقول: يا ريته ما كانش موجود.

الأوامر المستفادة:

نشكر الله على النعم.
نصبر إذا كان في النعمة شيء من الجزع.
نعرف مدى كِبَر النعمة.

النواهي :

ما ندعيش على النعم.
ما نغفلش عن شكر الله.
ما ندعيش على النعم التي أنعمها الله علينا بسبب بعض الجزع فيها.
نحذر من الإعراض عن أوامر الله سبحانه وتعالى.

المعاني والفوائد المستفادة:

النعم التي كانوا فيها ذهبت لمجرد أنهم ما شكروش.
الإنسان ممكن يكون في نعمة ولا يشعر بها.
النعمة قد يكون فيها شيء يضايق الإنسان أو يسبب له جزعًا فلا يدعو بزوالها.
الإنسان قد لا يشكر على النعمة نفسها، ولا يصبر على ما فيها من مشقة.
الإنسان قد يدعو بزوال نعمة وهو غير منتبه أنها نعمة.
قولهم: « فَقَالُوا۟ رَبَّنَا بَـٰعِدْ بَيْنَ أَسْفَارِنَا» كان دعاءً على النعمة التي كانوا فيها.
« فَأَعْرَضُوا۟ فَأَرْسَلْنَا عَلَيْهِمْ سَيْلَ ٱلْعَرِمِ » يدل على خطورة الإعراض عن أوامر الله.

(اللهم اجعل هذا الكلام خالصاً لوجهك، وانفع به عبادك)

Saba (34:15-19)
There was for [the tribe of] Saba’ in their dwelling place a sign: two [fields of] gardens on the right and on the left. [They were told], "Eat from the provisions of your Lord and be grateful to Him. A good land [have you], and a forgiving Lord." (15) But they turned away [refusing], so We sent upon them the flood of the dam, and We replaced their two [fields of] gardens with gardens of bitter fruit, tamarisks and something of sparse lote trees. (16) [By] that We repaid them because they disbelieved. And do We [thus] repay except the ungrateful? (17) And We placed between them and the cities which We had blessed [many] visible cities. And We determined between them the [distances of] journey, [saying], "Travel between them by night or by day in safety." (18) But [insolently] they said, "Our Lord, lengthen the distance between our journeys," and wronged themselves, so We made them narrations and dispersed them in total dispersion. Indeed in that are signs for everyone patient and grateful. (19)
11:57 am · 4 Nov 26 · 0 Views
0 Replies 0 Reposts 0 Quotes 0 Likes 0 Bookmarks
No replies yet
Be the first to add your thoughts

There's more to see

Log in or create a free account to read more posts, replies and conversations on Suffah.

Log in Create account
Log in to reply