Back to Suffah

Reflection

" ألا يعلم من خلق ! و هو اللطيف الخبير"

خاطرة أتمنى توصل للى محتاجاها ..

استوقفنى جداً آية " ألا يعلم من خلق و هو اللطيف الخبير"

معرفش ازاى بنعديها كدا .. آية حنونة تربت على القلب فى لحظات الحزن و فى القلق و غيرها من المشاعر و المواقف المختلفة ..

سبحان الله...
ربنا اللي خلقنا، عارفنا كويس جدًا...
عارفنا من جوا ومن برا،
عارف اللي بيظهر مننا واللي مستخبي،
إيه اللي بيفرحنا وإيه اللي بيوجعنا،
إيه اللي ينفعنا وإيه اللي يضرنا...
عارفنا سبحانه 🤍.

و من زاوية أخرى : هونًا على نفسك هوناً

ربنا عارف ضعفنا ، و عارف قدرتنا، و عارف إحنا نقدر على إيه حتى لو إحنا نفسنا مش عارفين.
وأي ابتلاء، مهما كان شديد وموجع وقاسي، ربنا سبحانه أعلم بيه وبقدرتنا عليه بإذنه، وأعلم إزاي نعديه بإذنه، وإيه الخير اللي ممكن يطلع لنا منه حتى لو إحنا مش شايفينه دلوقتي.

عارف سبحانه الخير لينا و اللـ مش الخير لينا.
عارف مين بيحبنا بجد، ومين مش بيحبنا،
مين بيتمنى لنا الخير ومين لأ،
عارف إيه اللي يصلح لينا وإيه اللي يفسدنا
عارف نقاط القوة فينا اللى منعرفهاش عن نفسنا ..
عارف اهتمامتنا
هو سبحانه اللي خلقها فينا.
عارفنا أكتر من ما احنا عارفين نفسنا

استوقفنى كمان اسم الله اللطيف الخبير 💚.

عارف تقصيرنا بس لطيف معانا و خبير به..
عارف ايه الشر لينا فبيبعده عننا لطفاً منه سبحانه و لأنه الخبير باللى منعرفوش ..

و عارف سبحانه ايه الخير لينا فيلطف بينا بيه و يقربه لينا لأنه الخبير و يرضينا به.🤍

" ألا يعلم من خلق و هو اللطيف الخبير"

#تأملات
#سورة_الملك

Al-Mulk (67:14)
Does He who created not know, while He is the Subtle, the Aware? (14)
3:11 am · 6 Nov 26 · 0 Views
0 Replies 0 Reposts 0 Quotes 0 Likes 0 Bookmarks
No replies yet
Be the first to add your thoughts

There's more to see

Log in or create a free account to read more posts, replies and conversations on Suffah.

Log in Create account
Log in to reply