بسم اللہ الرحمن الرحیم
کبھی کبھار ہمارے ذہن میں آتا ہے کہ ہم زندگی کے اتنے مشکل مرحلوں سے کیوں گزرتے ہیں۔
لیکن ہم ہمیشہ اللہ کی طرف سے آنے والی آزمائشوں میں بہتری اسی صورت میں تلاش کرتے ہیں کہ اس مشکل نے مجھے مضبوط بنایا، حالات کا سامنا کرنا سکھایا، اللہ پر توکل سکھایا۔ اور یہ باتیں بھی بہت زبردست ہیں۔
لیکن ہم ساری بہتری اور بھلائی اپنی ذات تک ہی محسوس کرتے ہیں۔
اگر آپ کبھی بہت بیمار ہوئے اور سرکاری ہسپتال میں آپ کو ویل چیئر نہیں ملتی ہو پھر آپ کو اللہ صحت دے اور استطاعت ہونے کے باوجود کسی دوسرے شخص کو ایسی ہی تکلیف میں دیکھ کر آپ نے کوشش نہ کی تو شاید اسے اللہ کی ناشکری کہتے ہیں کہ آپ بھول گئے۔
اگر آپ کو کبھی یونیورسٹی کی فیس کیلئے پیسے چاہیے ہوں اور آپ سے نہ ہو رہا ہو اور کوئی انجان شخص آپ کی مدد کردے۔ پھر آپ کسی چھوٹی بچی کو پڑھائی کے متعلق چھوٹی چھوٹی چیزوں کے لیے پریشان دیکھیں اور آپ کا دل نہ پگھلے تو اچھی بات نہیں۔
ہم لوگ کہتے ہیں "پتہ اسی کو ہوتا ہے جس پر بیتتی ہے". حالات سب کے ایک جیسے نہیں ہوسکتے مگر کچھ نہ کچھ مماثلت ہوتی ہے۔
سورۃ الضحیٰ میں اللہ تعالیٰ جب نبی پاک صلی علیہ وآلہ ❤️ کو یتیموں اور سائلوں کے متعلق بتاتے ہیں تو اسے پہلے یاددہانی کرواتے ہیں کہ اللہ نے آپکو ان حالات سے گزارا پھر آسانی کی تو آپ بھی دوسروں کے ساتھ نرمی کریں۔
لیکن یہاں میرے ذہن میں سوال آیا کہ آیت 6 اور 9 یتیم کے بارے میں ہیں، اسی طرح 8 اور 10 تنگدستی سے مگر آیت 7 کے بدلے کیوں نہیں آیا کہ آپ لوگوں کو سیدھا راستہ دکھائیں۔
اور آیت 7 (جس میں نبی کو ہدایت دینے کا ذکرہے) عین درمیان میں ہے اگر آپ دو پہلی آیات کو نکال کر دیکھیں جس میں قسمیں کھائی گئی ہیں۔
خیر یہ تدبر کیلئے سوال ہے۔ جس پر سوچنا پڑے گا، اگر آپ کے ذہن میں جواب ہے تو کمنٹ میں شیئر کیجئے گا۔
مگر یہ بات تو پکی ہے کہ اللہ آپ کو جو نعمت دے تو ان کو ضرور یاد رکھنا چاہیے جن کو آپ کی ضرورت ہے۔ اور آپ کو کسی کی تکلیف تبھی محسوس ہوتی ہے جب آپ نے خود بھی ملتی جلتی صورتحال کا سامنا کیا ہو۔
اللہ تعالیٰ ہم سب کو ہدایت دے اور ایمان پر ہمارا خاتمہ ہو۔ آمین اللھم آمین